Na xornada do martes os centros anticiclónicos volveranse a unir formando un cinto de altas presións dende o oeste da península Ibérica ata o noroeste de Europa que, xunto cunha borrasca situada na área de Grecia, volverá a empuxar a masa de aire polar continental cara á Galicia. Polo tanto, agardamos en xeral ceos anubrados con precipitacións dispersas, máis probables e frecuentes no terzo norte e nas áreas montañosas de Lugo, cun descenso da cota de neve ata quedar por debaixo dos 1000 metros nas últimas horas. As temperaturas permanecerán sen cambios significativos ou con lixeiros descensos das mínimas. Os ventos virarán de norte a nordés a partir da tarde e soprarán moderados no litoral e nas zonas montañosas e frouxos, con períodos de moderado, no interior.
Vento:
Ventos do norte virando a nordés a partir da tarde, moderados no litoral e nas zonas montañosas e frouxos, con períodos de moderado, no interior.
Temperatura:
Temperaturas sen cambios significativos ou en lixeiro descenso as mínimas.
Néboas:
Mala visibilidade nas zonas elevadas do interior, principalmente durante a mañá.
Estado do Ceo:
Ceos anubrados con precipitacións dispersas, máis probables e frecuentes no terzo norte e nas áreas de montaña de Lugo. Cota de neve en descenso ata quedar por debaixo dos 1000 metros nas últimas horas do día.
